Home » خبریں » Benefits of Milk That You Never Knew Even When You Drink It Every Day

Benefits of Milk That You Never Knew Even When You Drink It Every Day

دنیا کا سب سے مفید مشروب دودھ

benefits-of-milk

اللہ نے زمین پر موجود تمام مخلوقات کو حضرت انسان کی خدمت کے لیے پیدا فرمایا زمین سے اگنے والی سبزیاں اور پھل ہوں یا جانوروں سے حاصل کردہ گوشت اور انڈے، یہ سب ہماری خوراک کا بنیادی حصہ ہیں تاہم ان بیش بہا نعمتوں میں سب سے منفرد اور سود مند چیز دودھ ہے۔

ہماری خوراک میں شامل غذا میں دودھ وہ واحد مشروب ہے جس میں تمام وٹامن موجود ہیں یہی وجہ ہے کہ دودھ ایک مکمل غذا کا کام دیتا ہے ایک گلاس دودھ جسم کو درکار تمام وٹامن فراہم کردیتا ہے یہ توانائی کے حصول کا سب سے آسان اور ارزاں ذریعہ ہے۔ قرآن کریم میں بھی دودھ کا تذکرہ کیا گیا ہے اور اسے نسل انسانی کے لیے مفید قرار دیا گیا ہے۔

فرمان باری تعالیٰ ہے  کہ

اور تمہارے لیے  مویشیوں میں بھی ایک سبق موجود ہے، ان کے پیٹ سے گوبر اور خون کے درمیان ہم ایک چیز تمہیں پلاتے ہیں یعنی خالص دودھ، جو پینے والوں کے لیے انتہائی خوش گوار ہے(سورۃ النحل، آیت 66)

دودھ انسانی اعضا کی بنیادی ضرورت ہے، جلد کی شادابی ہو یا کُھلی رنگت کا حصول، ہڈیوں کو مضبوطی دینا ہو یا حافظہ میں اضافہ مقصود ہو، دودھ موثر ترین غذا ہے۔

دودھ سے ذہنی استعداد اور دماغی طاقت میں اضافہ

انسانی جسم کی کارکردگی اور افعال کا دارومدار اچھی ذہنی صحت پر منحصر ہے، ذہن صحت مند ہے تو جسم کے دیگر اعضاء بھی اپنی کارکردگی بہتر طریقے سے انجام دیتے ہیں،دودھ کی سب سے خاص بات اس میں موجود وہ اجزاء ہیں جو ذہنی بالیدگی اور نیورو ٹرانسمیٹر کو قابو میں رکھتے ہیں جس کی وجہ سے دماغ حاضر رہتا ہے اور ذہانت میں اضافہ ہوتا رہتا ہے۔

benefits-of-milk

چہرے کی دلکشی اور شادابی کا باعث

دودھ اپنے اجزاء کی افادیت کی وجہ سے ہی مشہور نہیں بلکہ اپنی رنگت کے باعث بھی انفرادیت رکھتا ہے یہی وجہ ہے کہ زمانہ قدیم سے چہرے کی دلکشی میں اضافے اور اِسے پُرکشش بنانے کے لیے دودھ کا استعمال کیا جاتا رہا ہے سائنسی تحقیق سے ثابت ہوا ہے کہ دودھ میں موجود امائنو ایسڈ چہرے کی جلد کو نرم اور شاداب رکھتا ہے۔

benefits-of-milk

loading...

دودھ میں موجود میں لیکٹک ایسڈ جلد کو صاف اور دھول و مٹی کے منفی اثرات سے محفوظ رکھتا ہے،لیکٹک ایسڈ دودھ کی ملائی میں کثیر تعداد میں پایا جاتا ہے اس لیے اطباء تجویز کرتے ہیں کہ دودھ کی ملائی سے چہرے کا مساج کرنے سے چہرے کی خشکی، جھائیاں اور دھبوں کا خاتمہ ہو جاتا ہے۔

دودھ دانتوں کی مضبوطی اور سفید بنانے کا موجب

ہماری روز مرہ کی خوراک میں دودھ کیلشیم کے حصول کا سب بڑا ذریعہ ہے،کیلشیم دانتوں کو مضبوط رکھتا ہے جب کہ دودھ کی گہری سفید رنگت کا اثر بھی دانتوں پر پڑتا ہے اور دودھ کے استعما ل سے دانت سفید اور چمک دار ہوجاتے ہیں۔

benefits-of-milk

ہڈیاں بھی مضبوط

دودھ میں موجود کیلشیم انسانی ہڈیوں کے لیے اس وقت مزید سود مند ہوجاتا ہے جب دودھ میں شامل وٹامن ڈی کیلشیم کو ہڈیوں کا حصہ بنانے میں کامیاب ہوجاتا ہے جس سے جوڑوں،پسلیوں اور ہڈیوں کے درد میں افاقہ ہوتا ہے۔

benefitsof-milk

جسم کے پٹھوں کی بہتری کا سبب

دودھ میں شامل پروٹین جہاں جسم کے دیگر اعضاء کی غذائی ضرورت کو پورا کرتا ہے وہیں جسم کے پٹھوں کو مضبوط اور مربوط رکھنے میں اپنا بھرپور کردار ادا کرتا ہے۔

ہاضمہ درست رکھے

رات سونے سے پہلے ایک گلاس گرم دودھ پینے سے ہاضمہ درست رہتا ہے دودھ میں موجود وٹامن ڈی -2 معدے میں گیس بننے نہیں بننے دیتا اور اس میں موجود فائبر قبض سے بچاتا ہے۔

خسرہ سے نجات

حکماء کا کہنا ہے کہ دودھ میں پچاس گرام صندل اور دس گرام ختی ملا کر چہرے پر لگانے سے خسرہ سے چھٹکارا پایا جاسکتا ہے اور چہرے پر خسرے کے دھبے بھی ختم ہو جاتے ہیں۔

دودھ پینے کے عادی پُرسکون نیند کے مالک

ماہرین خوراک کا کہنا ہے کہ تحقیق سے یہ بات ثابت ہوئی ہے کہ جو لوگ روازنہ دودھ پیتے ہیں وہ پرسکون اور گہری نیند سوتے ہیں جس کے باعث وہ صبح جلدی اُٹھتے ہیں اور دن پھر چابک و چوبند رہتے ہیں۔

benefitsof-milk

دودھ منہ کی بدبو بھی دور کردے

ایک مغربی تحقیق کے مطابق دودھ میں پائی جانے والی چربی اور پانی کی موجودگی سے منہ سے آنے والی بدبو ختم ہو جاتی ہے، تجربے کے طور پر لہسن کو چباتے ہی دودھ پی لیں تو بہترین نتائج حاصل ہوتے ہیں۔

 

Leave a Reply

Your email address will not be published. Required fields are marked *

*