Home » خبریں » Two months baby surprised by repeating the word

Two months baby surprised by repeating the word

دو ماہ کے بچے نے لفظ دہرا کر حیران کردیا

two-months-baby-surprised-by-repeating-the-word

نیویارک: آپ کے سامنے اگر کوئی دو ماہ کا بچہ لفظ دہرائے تو آپ کیسا محسوس کریں گے؟ امریکا کے رہائشی 8 ہفتے کے بچے نے لفظ دہرا کر نہ صرف اپنی ماں بلکہ تمام ناظرین کو حیران کردیا۔

اگر آپ سے کوئی کہہ دے کہ دو ماہ کا بچہ ماں کے کسی لفظ کو دہرا سکتا ہے تو پہلے آپ حیرانی سے اسے دیکھیں گے اور پھر یقیناً اُس کا مذاق بھی اڑائیں گے۔

ویسے تو عام طور پر کوئی بھی بچہ 8 ماہ کے بعد ہی ایسے غوں غاں (بولنا) کرنا شروع کردیتا ہے جو صرف اُس کی ماں یا والد کو سمجھ آئے تاہم وہ ڈیڑھ سال کا ہونے تک ایسے الفاظ ادا کرتا ہے جو لوگوں کو بآسانی سمجھ آجاتے ہیں تاہم ان کی ادائیگی صاف نہیں ہوتی۔

loading...

امریکا سے تعلق رکھنے والی سمانتھا جونز نامی خاتون اپنی سہیلی کے ساتھ ویڈیو شیئرنگ پر بات چیت کررہی تھیں کہ اُن کی دوست نے سمانتھا کے بیٹے کو ’’ہیلو ‘‘ بولا جس کے بعد 2 ماہ کے بچے نے دونوں کو حیرانی میں مبتلا کردیا۔

کرسٹین کے ہیلو بولنے پر 2 ماہ کے بچے نے مسکرانے یا قہقہہ لگانے کے بجائے اُس لفظ کو دہرا کر دونوں خواتین کو حیران کردیا۔ سمانتھا کا کہنا ہے کہ ’’میرا خیال تھا کہ وہ میرے مخاطب کرنے پر مسکرائے گا مگر اُس نے صاف الفاظ دہرائے جو میرے لیے حیران کن تھے‘‘۔

اس عمل کے بعد سمانتھا کی دوست نے زور دیا کہ وہ اس حیران کن ویڈیو کو فیس بک پر شیئر کرے، جس کے بعد اُس نے اپنے فیس بک اکاؤنٹ پر اپ لوڈ کی، چند دنوں میں لاکھوں افراد اس ویڈیو کو دیکھ چکے ہیں۔

عوام کا مثبت رد عمل ملنے پر سمانتھا کا کہنا ہے کہ ’’میں نے کبھی سوچا بھی نہیں تھا کہ مجھے فیس بک کی کسی پوسٹ پر 100 سے زائد لائیکس بھی مل سکیں گے یہاں تو لاکھوں لوگوں نےمیری پوسٹ کو پسند کیا ہے‘‘۔

 

Leave a Reply

Your email address will not be published. Required fields are marked *

*